Les mots surlignés font l'objet d'une note
1Monsieur, jey receu votre lettre du vingt et septième du
2passé et loue Dieu de ce questes en bonne sancté
3et navoys heu de vous nouvelles despuys
4que mescriptes par ladvocat Bruyère
5et ay bien grand regret que ne me suys trouvé
6à Montoyson pour avoyr ce bien de voyr
7messieurs vous enfans. Sy vous plaict me
8faire ce bien quant yrés trouver monsieur
9le mareschal de Dampville, je ne fauldrey
10vous aller trouver pour vous faire compaignie
11et très humble service. Monsieur Il ny a
12que deulx jours que vous ayt escript
13et despuys est venu ung des gens de mon
14beaufilz qui me mande quil a gecté les huguenaulx
15questiont dans en Allès de ors par force
16et en y est beaucoup demeuré et leurs
17maisons pillées ensemble ung aultre village
18della au près. Mondit beaufils est allé trouver
19monsieur de Joyeuse qui sen va assieger
20Nysmes et ace quon dict les huguenaulx sont
21desliberés de tenir et sont dans la ville
22[v°] en nombre de troys mil. En ce pays, Dieu mercy,
23tout y est en bon repos. Madamoyselle d’Ourches
24a heu troys ou quatre assès de fiebvre tierce.
25Dieu graces, astheure icy se porte bien;
26que sera la fin après vous avoyr supplié
27me commander votre vouloyr pour icelluy
28toute ma vie acomplir daussy bon cueur
29que la dame de sceans et moy nous
30recommandons très humblement à votre bonne
31grace, priant Dieu
32Monsieur qui vous ayt en sa garde. De votre
33maison de Vaulnaves, ce Vme doctobre 1572
34Votre très humble et au
35beissant serviteur
36Montoyson
37